Nyemak Basa Jawa

Nyemak Musyawarah

1. Nyemak

Ana sajroning bebrayan ana tembung krungu, ngrungokake lan nyemak. Katelune beda-beda tegese.

Krungu tegese proses kegiyatan nampa swara sing dilakoni kanthi ora sengaja utawa saderma kabeneran.

Tuladha   : Nalika aku sinau, aku krungu barang tiba saka ndhuwur gendheng.

Ngrungokake tegese proses kegiyatan nampa swara sing dilakoni kanthi sengaja nanging during ana unsure pemahaman.

Tuladha  : nalika aku sinau basa Jawa, aku krungu lagu karemenanku, sabanjure aku ngrungokake lagu kuwi. Barengwisrampung lagune,aku sinau maneh.

Nyemak tegese proses kegiyatan nyemak lambing-lambang lisan kanthi nggatekna kang tumenen, paham, apresiatif, sarta interpretasi antuk informasi, nangkep isi utawa pesen sarta paham tegese babagan sing diomongake pembicara.

Tuladha  : aku mesthi nyemak piwulangan sing diparingake guruku kanthi tumenen, sinambi nyathet bab-bab penting sing diterangake.

Jinising nyemak kaperang dadi loro, yakuwi :

a).   Nyemak Ekstensif

Tegese proses nyemak ana bebrayan saben dinane. Kayata nyemak radio, televise, pacelathon ning pasar, lsp.

Ana patang perangan nyemak ekstensif

1. Nyemak Sekunder, nyemak sing kedadeyan sarana kebeneran. Upamane : lagi sinau uga bisa ngrungokake wong omong, swara radio, tv, lsp.
2. Nyemak Sosial, nyemak sing ditindakake ana bebrayan social. Kayata : pasar, terminal, kantor pos, lsp.
3. Nyemak Estetika / Apresiatif, tegese kegiyatan nyemak kanggo nikmati karya sastra. Kayata : nyemak puisi, cerita, syair lagu, lsp.
4. Nyemak Pasif, tegese ngrungokake sing dilakoni kanthitampaana upaya sadar. Tuladhane nyemak basa dhaerah ngasi tekan bisa.

b).    Nyemak Intensif

Tegese kegiyatan nyemak sing dilakoni kanthi tumenen lan konsentrasi sing dhuwur.

Ciri-ciri nyemak intensif :

a. Nyemak kanthi pemahaman

1. Nyemak kanthi kebak konsentrasi
2. Nyemak paham bahasa formal
3. Diakhiri reproduksi hasil simakan

Jinising nyemak Intensif yaiku :

1. Nyemak Kritis tegese :kegiyatan nyemak sing dilakoni kanthi tumenen kanggo menehi biji kang objektif, nemtokake asli lan orane, kaluwihan, lan kakurangan-kakurangane.
2. Nyemak Konsentratif, tegese : kegiyatan nyemak sing dilakoni kanthi permati; kanggo entuk pemahaman sing apik tumrap informasi sisng dirungokake. Tujuan  nyemak konsentratif yaiku :

- manut petunjuk-petunjuk/pituduh-pituduh (umpamane : pituduh ngisi  formulir pendaftaran.

-Nggoleki sesambungane antarunsur sajroning nyemak.

-Nggoleki sesambungane kuantitas lan kualitas sajroning komponen.

-Nggoleki informasi penting.

-Nggoleki urutan penyajian bahan semakan.

-Nggoleki gagasan utama

1. Nyemak eksploratif, tegese kegiyatan nyemak sing dilakoni kanthi permati kanggo entuk informasi anyar. Tujuane :

-Nemokake gagasan anyar.

-Nemokake informasi anyar lan tambahan saka bidang tertentu.

-Nyemak kanggo nemokake topik-topik anyar sing bisa dikembangake.

-Nemokake unsure-unsur bahasa sing sifate penting.

1. Nyemak Interogatif, tegese : kegiyatan nyemak sing nduweni tujuan kanggo nggoleki informasi kanthi cara ngajokake pitakon-pitakon sing diarahake tumraping entuk-entukaning informasi. Tujuane :

-          Kanggo nggoleki fakta-fakta / kasunyatan.

-          Nyemak gagasan anyar.

-          Nyemak kanggo entuk informasi sing disemak asli apa ora.

1. Nyemak Musyawarah

Nyemak Musyawarah kalebu nyemak intensir yaiku nyemak konsentratif. Topik sing dirembug ana sajroning musyawarah kuwi beda-beda. Musyawarah dadi gayeng menawa topike isih actual.

Kango nggoleki informasi penting ana sajroning musyawarah bisa nggunakake format ing ngisor ini.

1. Tema / topik            :   ………………………………………………………

2. Paraga Musyawarah                     :     1. …………………………………………………..

2. …………………………………………………..

3. …………………………………………………..

4. …………………………………………………..

3. Isi Musyawarah

a. Pambuka              : ……………………………………………………….

b. Isi                         : ……………………………………………………….

c. Panutup                : ……………………………………………………….

4. Simpulane                : ……………………………………………………….