Nalika Cilik

Nalika cilik,

Saben esuk, aku tansah diopeni simbok

Ing pawon wis kebul-kebul anggone masak

Sekul liwet, ndog dada, lan susu soklat

Sinandingake ing meja kanggo awakku

Nanging saiki, wis beda

Ora saben esuk ngrasakake kaya mangakana

Nalika cilik,

Rambut ikal iki, sinaosi jiniret dening mbok

Jiret siji, jiret susun, utawane kepang

Ora ana sing bisa madani

Kejaba simbok dhewek

Nanging saiki,

Rambut namung dikuwel jiret karet

Ora dak gatekake modele,

Banjur wae ditutupi kudhung

Nalikane cilik,

Pancen nyenengake

Urip tansah kaya dadi Dewa

Dilayani lan diopeni

Nanging saiki, awak kudu ngerti

Yen ana wayahe urip iki dadi dewasa

Ora bakal  cilik sateruse